काठमाडौं-सुर्खेत उडान परिक्षणमा श्री एअरले पायो अनुमति

  ।   २३ माघ २०७७, शुक्रबार १०:५८

सुर्खेत । यस भन्दा अगाडी बुद्ध एयरले भर्दै आएको  काठमाडौं-सुर्खेत उडान अव अर्को  निजी वायुसेवा कम्पनी श्री एयरलाइन्सले काठमाडौं-सुर्खेत परीक्षण उडानका लागि नागरिक उड्डयन प्राधिकरण (क्यान) बाट अनुमति पाएको छ। क्यान  काठमाडौँ को अनुमतिपछि श्रीले यसै साता टर्बोप्रोप ‘क्यू-४००’ जहाजमार्फत सुर्खेत परीक्षण उडान गर्ने योजना रहेको कम्पनीका प्रवक्ता अनिल मानन्धरले बताए। उनी भन्छन्, ‘सुर्खेतलाई हवाई यातायातबाट थप बलियोसँग जोड्ने उद्धेश्यले हामीले यो गन्तब्यमा उडान गर्ने योजना बनाएका हौं। क्यानबाट परीक्षण उडान अनुमति पाइसकेकाले आउँदो शुक्रबार र शनिबारमध्ये एउटा दिनमा परिक्षण उडान गर्नेछौं।

काठमाडौं-सुर्खेत ‍परीक्षण उडानका लागि श्री एअरले अनुमति पाएपछि कर्णालीका नागरिकहरुलाई सुर्खेत काठमाडौ सस्तो मुल्यदरमा हवाईयात्रा गर्न बाटो खुलेको नेपाल एअर बिजनेस ग्रुप सुर्खेतका निर्देशन निर्मल केसिले बताए । उनले लामो समय देखिको कर्णालीबासिहरुको अथक प्रयासले सार्थकता पाउने बिश्वास व्यक्त गरे । केसिका अनुसार श्रीएअरले सुर्खेत नियमित उडान गर्ने योजना बनाएको बताए । करिब चार वर्ष अघिबाट व्यावसायिक उडान सुरु गरेको श्रीले सिआरजे-२०० र सिआरजे-७०० जेट इन्जिनका साथै दुईवटा क्यु-४०० सिरीजका प्रोपेलर जहाजबाट हवाई सेवा दिँदै आएको छ।

Next Post

देशका विभिन्न क्षेत्रमा वर्षा र हिमपात, काठमाण्डौमा हल्का पानी पर्ने सम्भावना

२३ माघ २०७७, शुक्रबार १०:५८
काठमाडौ  – अहिले देशका पश्चिमी क्षेत्रका केही ठाउँमा पानी परिरहेको मौसमविद्ले बताएका छन् । पश्चिमी वायुको प्रभावका कारण गण्डकी, कर्णाली, लुम्बिनी र सुदूरपश्चिम क्षेत्रका केही ठाउँमा पानी परिरहेको मौसमविद् मिनकुमार अर्यालले बताए। यी क्षेत्रमा पश्चिमी वायुको प्रभाव हिजोदेखि नै परेको थियो । पश्चिमका हिमाली जिल्लामा हिमपातको सम्भावना पनि रहेको छ। […]